ఆలోచన-సాలోచన

                                                  ఆలోచన-సాలోచన 
                                                         -సత్యం 

           

       

                                 

                                        ఉచితాన్ని ... 
                                        ఆశించకు 
                                        అది నీలో ... 
                                        సోమరి తనాన్ని
                                        పెంచుతుంది 
                                        బై వన్ గెట్ వన్ 
                                        నమ్మకు 
                                        వ్యాపారం 
                                        నీకు నాణ్యత లేని 
                                        సరుకుని అంటగడుతుంది 
                                        అభినందనలతో  
                                        రచనలు ఇవ్వకు 
                                        నీ భావాలకు 
                                        ఆదరణ లేదనిపిస్తుంది 
                                        ప్రేమి0చడం 
                                        నీ సహృదయంగా చాటుకో 
                                        అది నీ బలహీనతని  తెలిస్తే 
                                        నీ బతుకుని మింగేస్తుంది 
                                        నమ్మడం 
                                        నీ మంచితనానికి చిహ్నమైతే 
                                        మోసపోవడం నీ వంతౌతుంది 
                                        అపనమ్మకంతో 
                                        అడుగులు వేయి 
                                        అది నీకు 
                                        రాజకీయపుటెత్తుగడలను 
                                       అందిస్తుంది 
                                       సారంగి నాభిలోని కస్తూరి  
                                       గబ్భిలం నల్లగానే మెరుస్తాయి 
                                       వ్యత్యాసం గమనించకపోతే 
                                       వేదన ఒకటే మిగులుతుంది  
                     

               






                                            

గమ్యం వైపు ......

                                           గమ్యం  వైపు ......
                                                      -సత్య
             

                               నేను 
                                         జీవితాన్ని అన్వేషిస్తున్న 
                                         బాటసారిని 
                                         వచ్చి  పోయే ఋతువులకు 
                                        నేనో తీపి జ్ఞాపకాన్ని 
                                        మమ్చుపొరల్ని చీల్చుకొని  
                                        నేలను మృధువుగా
                                        స్పృసిస్తున్న పాదాన్ని     
                                                   అడుగు పెట్టిన ప్రతిచోట 
                                        సుతిమెత్తని ప్రాపంచిక 
                                        అనుబభూతిని 
                                       గమన ఒరవడిలో
                                       ఏ  అదృశ్య శక్తి దో ప్రేరణ 
                                       నిచ్చల తటాకం వైపు చూపు 
                                       విరిసిన కమలాన్ని చూసాను 
                                       బురదలో అడుగేసాను 
                                       సమీపానికి చేరి 
                                      అప్యాంగా తుంచాను 
                                      ఒడ్డుకు  వచ్చి 
                                      మళ్ళీ  నడక సాగించా 
                                      నాలానే ఎందరో 
                                     పాదచారులు ఎదురయ్యారు 
                                     కొందరు నా కాళ్ళ కంటిన 
                                     బురదనే చూడగలిగారు 
                                     కొందరు నా చేతిలో    
                                     వికసించిన కమలాన్నే చూసారు 
                                     మరికొందరు   
                                     బురదని కమలాన్ని 
                                     తదేకంగా చూసి 
                                     విస్మయానందానికి లోనయ్యారు 
                                     కొద్దిమది 
                                     నా సాహసాన్ని మెచ్చుకున్నారు 
                                     ఎక్కువమంది 
                                     ఇప్పుడు దాన్ని ఏం చేస్తావని 
                                     ప్రశ్నించారు 
                                     నేను మాత్రం 
                                     భవిష్యత్తును చూస్తూ 
                                     గమ్యం వైపు నడుస్తున్నాను 

నానీలు

                                                                       నానీలు                         
                                                                                              -  సత్యం                                                                     
                            
                    

                       
                                1.   కంటిలో కాటుక     

                                       ఆమెలో చీకటి 

                                       నవ్వులో తెలుపు           

                               ఆమెలో వెలుగు 

                             
                                         

                          
                               2.    పొద్దు వాలితే 

                                      గూటికి 

                                      రెప్ప వాలితే 

                                      చితికి 
                             
                            
                            
                               3.   బతుక్కి చావుకి 
                                     ఇంతే దూరం 
                                     పుడితే ఇంటిలో 
                                     గిడితే మట్టిలో 
                                      
                                         
                         
                               4.  విశాల విశ్వం 
                                    సిగ్గు పడింది 
                                    అమ్మ 
                                    హృదయాన్ని చూసి 

                           

                               5. స్పృసి0చని  ప్రేమ 
                                   నిలవదు 
                                   వ్యక్తం  కాని భావం 
                                   కలవదు 

                           
                               6. కత్తులే  కాదు 
                                   అప్పుడప్పుడు 
                                   పూలు కోస్తాయి 
                                   హృదయాల్ని 
     
                           
                              7.  ఇల్లు 
                                   నీడనిస్తుంది 
                                   ఇల్లాలు 
                                   తోడై నడుస్తుంది 
                             

                              8.  బీరు బ్రాందీలు 
                                   బతుకుని  కుదిపేస్తాయి 
                                   మగువల అందాలు 
                                   మధిర వైపు నడిపిస్తాయి 

                                             
                              

                              9.  అందరూ 
                                   మనుషులే 
                                   మనీ.. షీ 
                                   లోలులే 
                        
                             
                             10. అందరూ 
                                   మిత్రులే 
                                   గు0డె  
                                   అగాద0లో కుట్రలే 
                           

                             11. పెదవి 
                                   దాటిన మాట 
                                   అపార్ధమైతే 
                                   మాననిగాయం 
                             
                     
                           12.  మత్తు వదిలితే 
                                  మేల్కొలుపు 
                                  నిరాశలో చిక్కితే 
                                  మృత్యు పిలుపు 
                         
                                      
                           13. యవ్వనం 
                                 పురోగమనం 
                                 వృ ద్ధాప్యం 
                                 తిరోగమనం 
                                      
                                      

                           14. అతివ  నవ్వు 
                                 విరిసిన పువ్వు 
                                 తుమ్మెదై వాలితే 
                                 జీవిత ఖైదు నువ్వు 
                          
                                       
                            15. నిన్న 
                                 గతించిన జ్ఞాపకం 
                                 రేపు  
                                 దారి చూపే లక్ష్యం 
                         

                            16. నీరు నిప్పు 
                                 బద్ధ శత్రువులే 
                                 పాత్రోచిత మిత్రుడుంటే 
                                 ఆహారం సిద్ధం 

నీ చూపు చాలు (కవిత )

                                      నీ చూపు చాలు (కవిత )

                                   ఎన్ని వసంతాలు కలిస్తే మాత్రం 

                                          ప్రకృతికి నీ అంత అందమొస్తుంది 

                                          పూల పుప్పొడుల్ని  చేర్చి 

                                          తేనెతో రంగరించి పోత పోస్తే 

                                          నీ సోయగాల శిల్పం ఔతుంది 

                                          ఎన్ని గులాబి రేకుల్ని నీ అందాల 

                                          తొడిమకు వరసగా పొదిగితే 

                                          నీ మేని ఛాయ  వస్తుంది 

                                         ఎలా చూసినా నీ  అంత 

                                         అందాన్ని సృష్టించడం 

                                         బ్రహ్మకైనా  సాద్యం కాదు 

                                         నీ దాగని సొగసుల దోబూచులు 

                                         వలపు పల్లవుల్ని ఆలపిస్తుంటే 

                                         నా హృదయం నీ పల్లవికి 

                                         చరణం కావాలని పరితపిస్తుంది 

                                         అందుకే  చెలి 

                                         నీ సుతి మెత్తని ఓర చూపు 

                                         తామర తూడు  లాంటి నీ చేతి స్పర్శ 

                                         కన్నా 'ఐ' స్కాంత  బలం కలది 

                                         అందుకే 

                                         నీ చూపు నా వైపు సారిస్తే చాలు 

                                         నా నరాలలో ఎన్నో నదులు 

                                         వెల్లువై పొంగుతాయి 

                                         అంతులేని ఆనం(అం)దపు 

                                         సముద్రాల్ని చిలికేలా 

                                         నువ్వు అందించే ఒక్క నవ్వు చాలు 

                                         మైకంలా కమ్ముకున్న మృత్యువు 

                                         క్షణంలో దూరం కావడానికి ,...... 

                                                                                         - సత్యం 

                                         

                                         

                                         

                            

బాసిజం (కవిత )

                                            బాసిజం (కవిత )

                                                                  భద్రం కొడకో నీ కొలువు 

అతని  పేరు బాస్ 

తను ముట్టుకుంటే 

నువ్వు పాదరసంలా పరిగెత్తాలి 

కొలిమిలో ఇనుములా కాలాలి 

ఎటువంచాలనుకుంటే అటువంగాలి 

శునకంలా విశ్వాసాన్ని ప్రకటించాలి 

ఎంత బరువుపెట్టినా ఓండ్ర పెట్టని గాడిదవ్వాలి 

తను తోక్కా లనుకున్నప్పుడు 

నువ్వు అడుస్సవ్వాలి 

మలచాలనుకుంటే  నువ్వు ఘటం కావాలి 

ఆత్మాభిమానం ఆత్మగౌరవం 

అనే వ్యర్ధపదాలకు అర్ధాలు వెతక్కు 

అది చాకచక్యం లేని చేతగానితనం 

ఇక్కడ బతకాలంటే లౌక్యం కావాలి 

నీ పై నీవే యుద్ధం ప్రకటించుకోవాలి  

బ్రతుకు కురుక్షేత్రంలో ఎవరిపైనైనా  

యుద్ధానికి సిద్ధం కావాలి 

ముఖం పై ఉమ్మినా ....... 

చలించని స్తిత ప్రజ్జ్టత కావాలి 

దేహానికి తొడుగుల్లాగే ... 

అడుగులకు మడుగులొత్తడం తెలియాలి 

అందరి తలలో నాలుకవ్వాలి 

తను చెప్పే ప్రతిపదాన్ని గీతగా  భావించాలి 

పొసగని పదజాలం వాడకు 

ఆ పదాలను ఏరుకెల్లే జాగిలాలుంటాయి 

నీ వెనకె.......... 

ఒక  మెట్టు ఎక్కడానికి

 మెట్లవైపు చూసేలోపే 

నిన్ను తొక్కెయ్ డానికి 

నీ పక్కని కళ్ళే కాపలా కాస్తాయి 

నీకు శిలువు పది మేకు దిగేలోపే 

నీ చుట్టూ ఉన్న ముఖాలు  వేలవేసి 

పేలవంగా చూస్తాయి 

ఏమీ ఎరగనట్టు 

భద్రం కొడకో నీ కొలువు 

బహు హుషారుగాళ్ళు న్నారు 

                          

                                                                    -  సత్యం 

ఐ లైక్ గల్స్ బట్ ఓన్లీ టెన్ మినిట్స్

   

        నేను  ఈ రోజు ఒక మోటార్ బైక్ మీద  ఒక విషయాన్ని చదివాను . అది  "ఐ లైక్ గల్స్ బట్ ఓన్లీ  టెన్ మినిట్స్ "అని  ఉంది . అది  మొదటిగా  చూసి చదివినప్పుడు కొంచెం వింతగా అనిపించింది . మరికొంచెంసేపు ఆగి ఆలోచిస్తే ఎందుకలా అనే సందేహం కలిగింది . మళ్ళీ వెంటనే తేరుకొని He does  want girls  only for  sex need అని అర్ధమైంది . అంటే స్త్ర్రీలు అందుకు  తప్ప దేనికీ పనికిరారనే ఒక నిశ్చిత అభిప్రాయానికి అతను వచ్చాడు . లేదా స్త్రీలపై  అపనమ్మకాన్నైనా పెంచుకొనిఉండాలి . ఇంకొంచెం  లోతు గా  పోతే ఆడవాళ్ళ ప్రేమ మీద అతనికి నమ్మకం  లేదు అని చెప్పుకోవాలి .  ఈ  నమ్మకం లేని తనాన్ని అతను పెంచుకోవడానికి ఏదైనా బలమైన కారణ0 ఉండాలి . సరే కారణం  మనకు తెలిసే అవకాసం లేదు . కాబట్టి అసలు ఇలాంటి ప్రేరణ నేటి తరంలో ఎందుకు కలుగుతుందో విజ్ఞత కలిగిన కొందరై నా ఈ టాపిక్ గురించి విశ్లేషిస్తే బాగుంటుందనిపించింది . ఆ ప్రయత్నం లో భాగమే ఈ  వ్యాసం . 

    
    ' స్త్రీ' ని  ఆదిశక్తి గా పూజించమని మన సనాతన ధర్మం బోధిస్తుంది . ''ఎక్కడ స్త్రీలను పూజిస్తారో అక్కడ దేవతలు నివసిస్తారు ''అనే   ఆర్యోక్తి  వినిపిస్తుంది . మనం  ప్రయాణించే బస్సు లో కూడా''స్త్రీలను గౌరవించడం మన సంప్రదాయం ''  అని  రాసుంటుంది . మన పుట్టుకలోనే  అమ్మతనాన్ని తెలిపే  స్త్రీ మూర్తి కనిపిస్తుంది . మన అనుబంధాలలో  అక్క ,  చెల్లి వంటి  ఎన్నో మమకారాలతో కూడిన బంధాలున్నాయి . ఈ బంధాలన్నీ స్త్రీల పట్ల  చెడ్డ ఆలోచనలు వచినప్పుడు , ఎందుకు గుర్తుకురావో అర్ధంకాదు . ఒక  వేళ అర్ధమైనా!  ఆ వ్యామోహంలో ఆలోచించే శక్తిని కోల్పోతున్నాడా ?అనేది ఆలోచించాలి .  

      ఈ మధ్య  సెక్స్ కి  సంబందించిన  ఒక వ్యాస0  చదివాను .  ఆ వ్యాసంలో  నేటి తరం  ఆహారపు  అలవాట్ల  ప్రభావం వలన కౌమార దశలో ఉన్న పిల్లలను హార్మోన్స్  నిలవనివ్వడం లేదని రాసారు . ఇది శాస్త్రపరంగా  ఎంతవరకు నిజమో మనం చెప్పుకోవలసిన పని లేదు . అలాగే నేటి సినిమాల ప్రభావం కూడా అంతే ఉంది . సినీ గీత సాహిత్యంలో కూడా  కౌమార దశలో ఉన్న పిల్లల్ని భావోద్వేగానికి గురిచేసే విధంగా ఉంది . ఇలా చెప్పుకుంటూ పోతే కారణాలకు అంతుండదు . ఇలాంటి  పది  నిమిషాల కోరికలు  మనవాళ్ళ కేనా  అంతకుముందు ఎవరికైనా ఉన్నాయా? అని  ఆలోచిస్తే  మన పురాణాలలో చాలామంది కనిపిస్తారు. 

              సాక్షాత్తు విష్ణుదేవుడు జలన్ధరుడి భార్యను రమించాడు  . మోహిని అందాన్ని చూసి తట్టుకోలేక శివుడు ఆత్రాపడ్డాడు . బ్ర్హహ్మా దేవుడు తను సృష్టంచిన సరస్వతినే ఇష్టపడ్డాడు .    దేవేంద్రుడైన  ఇంద్రుడు  అహల్యను పదినిమిషాల కోసమే కామించాడు . పరాశరుడు మత్యకన్యను చూసి ఆపుకోలేక మహాభారతాన్ని చేశాడు . విశ్వామిత్రుడు ఇంద్రుడి ఉచ్చులోపడి మేనక అందాలను పొందడానికి  తపోభంగానికైనా ఇష్టపడ్డాడు .  వ్యాసుడు ఘ్రుతాచిని మోహించాడు . వాలి  తమ్ముడైన సుగ్రీవుని భార్యను అపహరించాడు . రావణుడు సీతమ్మ తల్లి సౌందర్యానికి  తట్టుకోలేక గంగవెర్రులెత్తాడు .  ఇవన్నీ తెలుసుకున్న వేమన " ఆడుదాని చూడ అర్ధంబు చూడ బ్రహ్మ కైన పుట్టు రిమ్మ తెగులు " అన్నాడు . 

ఈకథల్లో మనం గమనించాలిసినవి రెండున్నాయి . 

              1. మహనీయులు  చేసిన ఆ కార్యాలు  లోక కల్యానార్ధం . 

              2. లోకకంటకులు  చేసిన  పాపాలు  వారి వినాసనార్ధమ్ . 

     ఇది గమనిస్తే  కొందరు    చేసేపనులు లోకకంట కాలనే విషయం స్పష్ట మౌతుంది .       

   ఈ విధగా చెప్తే  కొతమంది కొంటె కుర్రాళ్ళు   మేముకూడా లోక కళ్యాణం కోసమే అని ఎందుకు అనుకోరు ?అన్నా ఆశ్చర్య పడాల్సిన పనిలేదు . 

     అసలు నేటితరం సెక్స్ అనే క్రియకు మాత్రమే ఎక్కువ  విలువ ఇస్తున్నారు . ప్రేమకు,

దాని తాలూకు, మనసుకు ఎటువంటి ప్రాధాన్యత ఇవ్వకపోవడం   వెనక అనేకమైన చేదు విషయాలున్నాయి . 

                                    ఆ విషయాల చర్చకు ఆహ్వానం                                          ( ఇంకావుంది  )(''చదవేస్తే ఉన్న తెలివి

 సాంతంగా నశించింది 

  ఈ  నాటి కామ వాంఛ 

  నానాటికి చెలరేగుతుంది 

  మన బాబుల వ్యవహారం 

  ఎవడు చెల్లించుతాడు 

  ఈ  తప్పుడు పరిహారం "   ?????????????????????????????????????????????????????